അണ്ണാച്ചിയുടെ ഐസ്പ്രൂട്ട്...!
തൃക്കാക്കര സ്ക്കെച്ചസ് - 06
സുധീര്നാഥ്
തൃക്കാക്കര സെന്റ് ജോസഫ് സ്ക്കൂളിലാണ് ഞാന് പഠിച്ചിരുന്നത്. കന്യാസ്ത്രികളുടെ നിയന്ത്രണത്തിലുള്ള ഇംഗ്ലീഷ് മീഡിയം സ്ക്കൂളാണ്. അച്ചടക്കവും, പഠന നിലവാരവും കൊണ്ട് അക്കാലത്ത് വളരെ പ്രശസ്തമാണ്. രാവിലെ മുതല് വെവകുന്നേരം വരെ നീണ്ടു നില്ക്കുന്ന പഠന രീതിയായിരുന്നു. ഉച്ചയ്ക്ക് ഭക്ഷണത്തിനായി കുറേ സമയവും ഉണ്ടായിരുന്നു. ഭക്ഷണ ശേഷം കുട്ടികള് പല വിനോദങ്ങളില് ഏര്പ്പെട്ടിരുന്നു.
ഉച്ചയ്ക്ക് സ്ക്കൂളിന്റെ ഗേറ്റില് വരുന്ന ഒരു അതിഥി ഉണ്ട്. അണ്ണാച്ചി എന്നാണ് കുട്ടികള് അയാളെ വിളിച്ചിരുന്നത്. അദ്ദേഹത്തിന് തീര്ച്ചയായും ഒരു പേരുണ്ടായിരിക്കും. പക്ഷെ അത് ആര്ക്കും അറിയില്ല എന്നാണ് മനസിലാക്കേണ്ടത്. അണ്ണാച്ചി സ്ഥലത്തെ പ്രധാന ഐസ്പ്രൂട്ട് വില്പ്പനക്കാരനാണ്. ഐസ്പ്രൂട്ട് പരിഷ്ക്കരിച്ചാണ് ഐസ്ക്രീം ഉണ്ടായത് എന്നാണ് പറയുന്നത്. പണ്ട് കാലത്ത് എല്ലാ സ്ക്കൂള് പരിസരങ്ങളിലും ഇതുപോലെ ഐസ്പ്രൂട്ട് വില്പ്പനക്കാരുടെ സ്ഥിര സാനാധ്യം ഉണ്ടാകാറുണ്ടെന്ന് പില്ക്കാലത്ത് മനസിലാക്കി. നട്ടുച്ചയ്ക്ക് ആശ്വാസമായി ഉച്ചയ്ക്ക് ചില ഇടപാടുകള് കുട്ടികള് നടത്തും. അടച്ചിട്ട ഗേറ്റിന് പുറത്ത് അണ്ണാച്ചി ഉണ്ടാകും. സ്ക്കൂള് മതില്ക്കെട്ടിനുള്ളില് നിന്ന് കുട്ടികള് ഐസ്പ്രൂട്ട് വാങ്ങും.
ഹെര്ക്കുലീസ് സൈക്കിളിന്റെ കാരിയറില് കെട്ടി വെച്ച മരത്തിന്റെ പെട്ടിയിലാണ് വില്ക്കാനുള്ള ഐസ്പ്രൂട്ടുകള് ഉണ്ടാകുക. ചൂടില് ഐസ് ഉരുകാതെ ഇരിക്കാനുള്ള ശാസ്ത്രീയ സംവിധാനങ്ങള് അതിനുള്ളില് ഉണ്ട്. ചെറിയ ഒരു ദ്വാരം മാത്രമാണ് പെട്ടിയുടെ മുകളില് ഉണ്ടാകുക. ഐസ് എടുക്കുമ്പോള് മാത്രമേ അത് തുറക്കൂ. പലതവണ അണ്ണാച്ചിയെ സ്ക്കൂള് മാനേജ്മെന്റ് വിലക്കിയിട്ടുണ്ട്. പക്ഷെ അണ്ണാച്ചി വരും. കുട്ടികളെ സ്ക്കൂള് മാനേജ്മെന്റ് വിലക്കിയിട്ടുണ്ട്. പക്ഷെ കുട്ടികള് വാങ്ങും.
സൈക്കിളിന്റെ കമ്പിയില് ഇരുമ്പിന്റെ ഒരു കഷണം തൂക്കിയിട്ടിട്ടുണ്ട്. വലിയ മോട്ടോര് വാഹനത്തിന്റെ ലീഫിന്റെ കഷണമാണ് മിക്കവാറും അത്. മറ്റൊരു ഇരുമ്പ് വടി (മിക്കവാറും സൈക്കിളിന്റെ പെഡലിന്റെ ഷാഫ്റ്റ്) കൊണ്ട് അടിച്ച് ശബ്ദമുണ്ടാക്കി അയാള് തന്റെ സാനിധ്യം അറിയിക്കും. അണ്ണാച്ചി തമിഴ് കലര്ന്ന മലയാളത്തിലാണ് സംസാരിക്കുന്നത്. തോളത്ത് ഇളം ചുവന്നതും, വെള്ളയും ഇടകലര്ന്ന നിറത്തിലുള്ള തോര്ത്തുണ്ടാകും. ആണ് കുട്ടികള് മാത്രമേ ഐസ്പ്രൂട്ട് വാങ്ങാറുള്ളൂ.
പലതരത്തിലുള്ള ഐസ്പ്രൂട്ട് അണ്ണാച്ചി കൊണ്ടു വരും. പത്ത് പൈസയാണ് ഏറ്റവും വിലകുറഞ്ഞ ഐറ്റത്തിന്. ഓറഞ്ച്, നാരങ്ങ രുചികളിലുള്ള സാദാ ഇനം. ഗ്രേപ്പ് ഐസ് എന്ന ഒന്നുണ്ട്. അതിന് പതിനഞ്ച് പൈസയാണ്. ഇരുപത് പൈസയ്ക്ക് സേമിയ ഐസ് കിട്ടും. ഐസ്പ്രൂട്ടിന്റെ അറ്റത്ത് സേമിയ ഉണ്ടാകും എന്ന വ്യത്യാസം മാത്രം. പാല് ഐസ് എന്ന മറ്റൊരു ഐറ്റമുണ്ട്. പാലിന്റെ രുചിയാണ്. പാലാണോ അതിലെന്ന് ആരും അന്ന് പരീക്ഷിച്ച് നോക്കിയിട്ടില്ല. ഇരുപത്തഞ്ച് പൈസയാണ് അതിന്. ഇനിയാണ് ഏറ്റവും മുന്തിയ എറ്റൈം. ഐസ് കേക്ക്. നേരത്തേ പറഞ്ഞ ഒന്നും കവറിലല്ല ഉണ്ടാകുക. അണ്ണാച്ചി തന്റെ ക്കൈകള് കൊണ്ട് പെട്ടിയില് നിന്ന് എടുത്ത് തരും. കേക്ക് കവറിലാണ്. അന്പത് പൈസയാണ് അതിന്റെ വില. സാമ്പത്തികം ഉള്ളവര് അത് വാങ്ങും.
പിറന്നാള് ആഘോഷത്തിന്റെ ഭാഗമായി ചിലര് സുഹ്യത്തുക്കള്ക്ക് മിഠായി നല്കുന്നതിനൊപ്പം ഐസ്പ്രൂട്ടും വാങ്ങി നല്കിയിരുന്നു എന്ന് ഓര്ക്കണം. കുട്ടികള്ക്കിടയില് ഐസ്പ്രൂട്ടിന് ഒരു താത്പര്യമുണ്ടായിരുന്നു. ഇന്ന് ഐസ്ക്രീം വണ്ടികളിലേയ്ക്ക് ഇത് മാറി. കവറുകളിലാക്കി ശുചിത്ത്വവും ഉറപ്പ് വരുത്തുന്നു.
(അടുത്തത് തൃക്കാക്കര സ്ക്കെച്ചസ് - 07 / ത്യക്കാക്കരയിലെ ആന, കുതിര, കുറുക്കന്. ലേഖനത്തില് എന്തെങ്കിലും പിശകുകള് വന്നിട്ടുണ്ടെങ്കിലോ, കൂട്ടി ചേര്ക്കേണ്ടതുണ്ടെങ്കിലോ ദയവായി 9968996870 എന്ന നമ്പറില് വാട്ട്സ്അപ്പ്/ ടെലഗ്രാം ചെയ്യുക)
ത്യക്കാക്കര സ്ക്കെച്ചസിന്റെ മറ്റ് ലേഖനങ്ങള് വായിക്കാന് താഴെ കാണുന്ന തലക്കെട്ടുകളില് ക്ലിക്ക് ചെയ്യുക.
- ഓണം പിറന്ന നാട്
- ഗോപാലകൃഷ്ണ ബസ്
- ചാരായക്കടയും കള്ള് ഷാപ്പും
- തൃക്കാക്കര ക്ഷേത്രവും സിനിമകളും
- കൈരളി, ശോഭ, താരം, പ്രീതി
- അണ്ണാച്ചിയുടെ ഐസ്പ്രൂട്ട്
- ത്യക്കാക്കരയിലെ ആന, കുതിര, കുറുക്കന്
- ത്യക്കാക്കരയിലെ സിനിമാ നാടകക്കാര്
- സാഹിത്യം ത്യക്കാക്കരയില്
- സംഗീത സാന്ദ്രമായ ത്യക്കാക്കര
- ത്യക്കാക്കരയിലെ പാട്ടുകാര്
- പകല്പ്പൂരം
- താളങ്ങളും, താളവാദ്യങ്ങളും, വാദ്യക്കാരും
- ഓണവിരുന്നും, തിരുവോണസദ്യയും
- ത്യക്കാക്കരയിലെ പെണ്ണെഴുത്ത്
- ത്യക്കാക്കരയല് നിന്ന് വളര്ന്നവര്
- കലാ സാംസ്കാരിക സാമൂഹ്യ നേതാക്കള്
- ഇടപ്പള്ളി പോലീസ് സ്റ്റേഷന് ആക്രമണം
- രാഷ്ട്രീയം, കക്ഷി രാഷ്ട്രീയം
- ത്യക്കാക്കരയിലെ വിദ്യാര്ത്ഥി രാഷ്ട്രീയം
- ഭാരത മാതാ രാഷ്ട്രീയം
- ഭാരത മാതാ ബാലറ്റ് ബോക്സ്
- തങ്കപ്പന്റ ബാര്ബര് ഷോപ്പും, പപ്പനാഭന്റ പെട്ടിക്കടയും
- കുറുമ്പയും ഉണ്ണിയും രണ്ട് വ്യക്തിത്ത്വങ്ങള്
- ത്യക്കാക്കരയിലെ ചിത്രകലാകാരന്മാര്
- ത്യക്കാക്കരയുടെ കാര്ട്ടൂണിസ്റ്റുകള്
- പേക്രോം പേക്രോം തവളകള്
- ചായക്കട അഥവാ ചായക്കട
- ത്യക്കാക്കരയിലെ പുഴകളും, തോടുകളും, കുളങ്ങളും
- മാധ്യമ ലോകം ത്യക്കാക്കരയില്
- നിയമ വഴിയിലെ ത്യക്കാക്കര
- സമരം സമരം സമരം
- സൈക്കിള് യജ്ഞം, സര്പ്പയജ്ഞം, സര്ക്കസ്
- പൈപ്പ് ലൈന് ജംഗ്ഷന്
- വിറക്, അറക്കപ്പൊടി, ഗ്യാസ്...
- കല്ലുകൊണ്ടെന്തെല്ലാം...ഉരല് മുതല് അലക്ക് വരെ...!
- വെളിച്ചം വീശിയ വഴികള്
- വാര്ത്താ വിനിമയ വിപ്ലവം
- ത്യക്കാക്കരയുടെ വായനാശീലം.
- കേസരി സ്മാരക സഹ്യദയ ഗ്രസ്ഥശാല
- ത്യക്കാക്കരയുടെ കുട്ടി പട്ടാളം
- ത്യക്കാക്കരയിലെ കളിക്കളം
- കഥകളുറങ്ങുന്ന ത്യക്കാക്കര
- പാറിക്കും പാറിക്കും, ചെങ്കോട്ടയിലും പാറിക്കും
- വൈദ്യരംഗത്തെ തൃക്കാക്കര
- നാട്ടുപ്രമാണിമാര്
- പരിചിതമുഖങ്ങള്
- തൃക്കാക്കരയിലെ വ്യവസായങ്ങള്
- സംഭവിച്ചതില് ചിലതെല്ലാം
- സ്ഥാപനങ്ങള്, സേവനങ്ങള്.